Miðbær kynnir virkilega glæsilegt og skemmtilega skipulagt 347 fm einbýlishús í norðurbæ Hafnarfjarðar.
 
Samkv. FMR er húsið skráð 347,9 fm en samkv. eiganda er raunstærð um 382m2.
Fyrirhugað fasteignamat fyrir 2025 kr. 179.650.000
Staðsetning eignarinnar er einstök, hún situr á þröskuldi náttúrunnar með klettaborgir á þrjá vegu umvafin hrauni og mosagróðri en er þó steinsnar frá skólum og allri þjónustu. Friðsæl óspillt náttúra og næði er það sem lýsir þessum lífsgæðum hvað best, þetta er eign þar sem auðvelt er að jarðtengja sig, hlaða batteríin og byggja upp orku án þess að þurfa að fara annað en heim til sín.

Um er að ræða sjónsteypuhús með áli á þaki og þakköntum, gluggar eru úr Oregon Pine. Það var teiknað af arkitektunum Ormari Þór Guðmundssyni og Örnólfi Hall. Mikið var lagt upp úr að raska sem minnst 822 m2 lóðinni við uppbyggingu hússins og má sjá ósnert hraunið teygja sig  í innan við 1 metra frá útveggjum. Eigninni hefur verið vel viðhaldið.

Hér má sjá myndband af eignini

Húsið er staðsett í rólegum botnlanga með sex öðrum húsum. Það stendur við jaðar friðlýsts fólkvangs Hleina sem nær frá neðri hluta Hjallabrautar niður að strönd og í austur að Hrafnistu. Af suðvestur svölum hússins má njóta stórfenglegs útsýnis yfir hraunið í Hleinum, höfnina í Hafnarfirði, suðurbæ Hafnarfjarðar og svo áfram út á Reykjanesið. Staðsetningin býður upp á að örstutt er í leikskóla, barnaskóla, grunnskóla, Víðistaðatún, Sundhöllina, Skátaheimilið, út í náttúruna í Hleinum og niður á ströndina. Jafnframt er einungis 15 mínútna rölt niður í miðbæ Hafnarfjarðar þar sem finna má fjölda veitingahúsa, kaffihúsa, safna og fjölbreytta menningarviðburði yfir árið.
Lóðin er skjólsæl og sólrík og hreint út sagt ævintýanleg á alla mælikvarða, og hreint konfekt fyrir augun. Lóðin var hönnuð af landslagsarkitektunum Auði Sveinsdóttur og Pétri Jónssyni, en lagt var í líma að vinna með náttúrunni í öllu flæði. Gríðarlegt magn er af handlögðum hraunhellum og hraunhleðslum um lóðina sem mynda stíga, tröppur og beð, allt gert í flúgti við það landslag sem fyrir var. Við sólsetur lifnar garðurinn við í nýjum búningi þar sem lýsingu hefur verið komið fyrir víða og til verður alveg nýtt ævintýraland sem hægt er að njóta í rökkrinu. Afstaða hússins er þannig að gríðarlega skjólsælt er á útivistarsvæði á suðvestur hlið hússins, mikið næði, mikil náttúra og mjög „prívat“.

Í húsinu eru 5 svefnherbergi, stofa, borðstofa, sjónvarpsstofa, koníaksstofa, bíósalur, líkamsrækt og fl. Einkenni hússins er gríðarleg lofthæð, miklar viðarinnréttingar, viðarbitar í loftum og sérsmíðaðir stigar. Rúmgóður bílskúr og steypt plön framan við hús.
Lýsing:
Forstofa: Flísar á gólfi, fatahengi og skápur.
Anddyri: Flísalagt með útgengi út á útivistarsvæði og garð.
Stofa: Stór og mikil með gríðarlegri lofthæð, svalir sem horfa yfir stofuna úr sjónvarpsherbergi á hæðinni fyrir ofan. Einnig er stór horngluggi þar sem horft er út í garð á sígrænar plöntur, upplýst á kvöldin. Arin í stofu. Gólfefni eru teppi og flísar.
Borðstofa: Tengist stofu með nokkrum þrepum upp, að mestu opið á milli, mikil lofthæð, flísar á gólfi og aðgangur (annar af tveimur) að eldhúsi.
Eldhús: Rúmgott. Góð innrétting, borðkrókur og flísar á gólfi. Tveir inngangar með rennihurðum.
Efra hol/efri svefnálma: Gengið upp hálfa hæð frá eldhúsi. Lítið setu svæði, línskápur, aðgangur að efri svernherbergisálmu, sjónvarstofu og koníaksstofu. Parket á gólfi.
Sjónvarpsstofa og koníaksstofa: Gengið er upp nokkur þrep frá efra holi í sjónvarpsstofu með mikilli lofthæð og þaðan áfram upp þrep í koníaksstofustofuna. Parket á gólfum. Innri svalir sem horfa yfir stofuna. Útgengi á suðvestur svalir með miklu útsýni yfir Hleina, Hafnarfjörð og Reykjanesið.
Hjónaherbergi: Rúmgott með stórum morgunsvölum. Gengið inn í fataherbergi og þaðan áfram inn á baðherbergi með sturtu og baðkari. Flísar á baði annars parket.
Herbergi 1 og 2: Tvö góð herbergi mað fallegu útsýni út á Hleina. Parketi á gólfum.
Þvottahús: Vaskur og innrétting, flísar á gólfi og veggjum.
Neðra hol/neðri svefnálma: Gengið niður hálfa hæð úr andyri. Stór skápur, flísar á gólfi.
Baðherbergi: Lítið baðherbergi með sturtu, flísalagt.  
Herbergi eru 2: Parket á gólfum, hefur verið opnað milli herbergja en auðvelt að loka aftur.
Búr: Gengið niður hálfa hæð úr neðra holi. Hillur á veggjum. Málað gólf.
Filmugeymsla: Gengið niður hálfa hæð frá búri. Filmugeymsla var sýningarherbegi fyrir bíósal en er hobbyherbergi/geymsla í dag. Vaskur og innréttingar. Málað gólf.
Bíosalur: Rúmgóður bíósalur með 3,2 metra breiðu sýningartjaldi. Samnýtt sem spila/póker herbergi í dag. Parket á gólfi.
Líkamsrækt: Tvö þrep upp frá bíósal. Parket á gólfi. Sturtur og sauna: Inn af líkamsrækt er búningsklefi með tvöfaldri sturtu og þar innaf sauna með öflugum 3ja fasa ofni og mjög þægilegum liggibekkjum.
Bílskúrinn: Rúmgóður og innangegnt frá neðri svefnherbergisgangi. Vaskur og skápar.
Útigeymsla/stúdíó: Útigeymsla er undir efra bílaplani. Harðull á veggjum, plastparket á gólfi. Var notað sem lítið upptökustúdío um tíma en er núna notað sem geymsla.

Hér á aldeilis við …. Sjón er sögu ríkari.
Nánari upplýsingar veitir Sigfús Aðalsteinsson Löggildur fasteignasali, í síma 898-9979, tölvupóstur [email protected].
Miðbær fasteignasala bendir fasteignakaupendum á ríka skoðunarskyldu kaupenda á fasteignum sem kveðið er á í lögum um fasteignakaup nr.40/2002. Vill Miðbær fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun. Sömuleiðis er bent á upplýsingaskyldu seljanda samanber 26.gr. Laga nr.40/2002 um fasteignakaup og 25.gr. laga nr.26/1994 um fjöleignarhús. Seljanda er bent á að kynna sér tilvitnaðar lagagreinar.
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar, almennt á bilinu kr. 50.000 - 75.000. Nánar um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu kr. 74.400.