Miðbær fasteignasala kynnir stórglæsilega 3ja herbergja 2ja hæða íbúð í nánast nýju húsi  í Vesturbænum, nánar tiltekið á Framnesveg 42, 101 Reykjavík. Vestusvalir á báðum hæðum eignarinnar.
Samtals birt stærð séreignar er 78,5 fermeter. Þá er einkastæði fyrir íbúðina á baklóð. 
Gengið er upp eina hæð frá inngangi hússins af Framnesvegi, og inn á neðri hæð íbúðarinnar. Rúmgott anddyri þar sem er stigi upp í risið og snyrting. Til vinstri frá anddyri er björt stofa með stórum gólfsíðum glugga og svölum sem snúa inn í garðinn. Til hægri frá anddyri er rúmgott og bjart eldhús og borðstofa með stórri eldhúsinnréttingu á einum vegg. Gengt stiga er falleg gestasnyrting. Stórir og bjartir gluggar í eldhúsi og borðstofu snúa að Framnesvegi.
Á efri hæðinni, sem er ris með stórum og opnum kvistum og góðum gluggum, eru tvö svefnherbergi og geymsla undir súð í minna herberginu. Í hjónaherbergi eru gólfsíðir gluggar og svalir sem snúa inn í garðinn, góðir fataskápar og gott rými. Á hæðinni er baðherbergi með tengi fyrir þvottavél. Efri hæðin er að hluta til undir súð, þannig að gólfpláss er meira en mældir fermetrar gefa til kynna.
Íbúðin er búin fallegum innréttingum, gólfefnum og tækjum í eldhúsi, innbyggð uppþvottavél og ísskápur. Gólf í baðherbergjum og þvottahúsi eru flísalögð með gráum 60x60 flísum, en á  gólfum annara rýma er vandað harðprkett. Innréttingar eru af vandaðri gerð frá HTH í Danmörku. Innihurðir eru yfirfelldar í dökkum lit. 
Fataskápar í forstofu og svefnherbergjum eru frá HTH með viðaráferð í dökkri eik.
Eldhúsinnrétting er hönnuð með nútíma þarfir og skipulag í huga. Skúffur og skápar í innréttingu eru spónlagðar með eikarspæni í dökkum lit og með ljúflokun, en borðplötur eru úr quartz stein. Eldhústæki eru frá AEG með span-helluborði, blástursofni með innbyggðum kjöthitamæli, ásamt innbyggðum háfi með kolasíu, ásamt innfelldri uppþvottavél og ísskáp.
Á baðherbergi  eru flísar á gólfi og veggjum í sturtu, en sturtan rúmgóð með þreplausum flísalögðum botni og hertu sturtugleri. Salerni er upphengt. Baðinnrétting verður spónlögð með dökkum eikarspæni og með borðplötum úr quartz-steini. Handlaug er ofan á borðplötu og blöndunartæki eru af vandaðri gerð frá Tengi.
Lýsingin í íbúðinni var hönnuð af Lúmex og fylgja allir kastarar en ekki upphengd ljós.

Aðalhönnun hússins var í höndum Arkþings arkitektastofu, en Berglind Berndsen og Helga Sigurðardóttir innanhússarkitektar sáu um hönnun og útlit íbúða. 

Sérlega skemmtileg íbúð á þessum vinsæla stað, stutt í leikskóla, Vesturbæjarskóla og íþróttasvæði KR. Grandinn í göngufæri með fjölda veitingastaða og miðbærinn sömuleiðis, og stutt í útivist á Nesinu. 

Nánari upplýsingar veitir Sigfús Aðalsteinsson Löggildur fasteignasali, í síma 898-9979, tölvupóstur sigfus@midbaer.is.

Miðbær fasteignasala bendir fasteignakaupendum á ríka skoðunarskyldu kaupenda á fasteignum sem kveðið er á í lögum um fasteignakaup nr.40/2002.
Vill Miðbær fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.
Sömuleiðis er bent á upplýsingaskyldu seljanda samanber 26.gr. Laga nr.40/2002 um fasteignakaup og 25.gr. laga nr.26/1994 um fjöleignarhús. Seljanda er bent á að kynna sér tilvitnaðar lagagreinar.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar, almennt á bilinu kr. 50.000 - 75.000.  Nánar um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu kr. 79.900
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.